A Vicepresidencia da Xunta, a través da Secretaría Xeral do Benestar, publica hoxe no Diario Oficial de Galicia a orde que regula as subvencións a entidades de iniciativa social para investimento, mantemento e promoción de actividades e programas de servizos sociais.

Esta orde de axudas diríxese a aquelas entidades que levan a cabo programas e prestan servizos sociais nos seguintes niveis de atención e áreas de actuación: servizos sociais de atención primaria (como programas de axuda no fogar, inserción social ou programas de asesoramento), servizos sociais especializados na área de atención ás persoas con discapacidade, servizos sociais especializados na área de atención ás persoas maiores e servizos sociais especializados na área de atención aos menores.